Serbó-króatar í frysti í Vesturbænum?

Skondin klausa höfð eftir Vigdísi fyrrum forseta í Fréttablaðinu í dag: „Ég heyrði serbó-króatísku í morgun í Melabúðinni, ég þekkti ekki tungumálið og var nánast komin með höfuðið ofan i frystinn til að heyra betur í fólkinu sem þar var að tala saman.“

Ég kem að vísu ekki oft í Melabúðina. En man yfirleitt ekki eftir fólki ofan í frystinum í þeim verslunum sem ég ven komur mínar í.

Athugasemdir

[Vilhjálmur Örn Vilhjálmsson, 11.4.2010 kl. 05:05]

Þú kaupir ekki nóg inn, Siggi. Eitt sinn dó kona af Kaplaskjólsvegi og féll ofan í frystinn í Melabúðinni. Dauðaorsök var verðlagið.

[Sigurður Hreiðar, 11.4.2010 kl. 13:01]

Takk fyrir innlitið, Villi. Var hún serbó-króatísk?

[Stefán Ásgrímsson (IP-tala skráð) 13.4.2010 kl. 16:15]

Eitt sinn þegar þessi sami forseti var að hleypa af stokkunum einhverri landssöfnun bað hún þjóð sína nú vel duga og minnti um leið á að Íslendingar hefðu áður lyft grettistaki þegar þeir lögðust allir á plóginn. -Ég vil ekki vera neðstur- hraut þá út úr Óla Sig fréttamanni.