Coca Cola er sannkallaður lífselixír

Þetta hef ég löngum sagt. Coca Cola er sannkallaður lífselixír, svo lengi sem það heitir ekki annað hvort Light eða Zero, sem eru hvort tveggja hálfgerðir ógeðsdrykkir, amk. í mínum munni. Ef einhver fullyrðir að þessi afbökun af Coca Cola sé með „rétta bragðið“ fullyrði ég að sá er með brenglaða bragðlauka.

Annars sá ég í bíó auglýsingu, langa og dýra, fyrir sullið Coca Cola Light, sem mér fannst skemmtileg. Mér finnst það alltaf virðingarvert þegar auglýsingar eru skemmtilegar. Það bætir það svolítið upp að maður neyðist að hafa fingur í eyrum meðan maður bíður eftir myndinni sem maður keypti sig inn á og bíóhúsin hafa þann ósið að stilla hljóðið svo hátt að það heldur við heyrnarskaða.

Lifði á Coca-Cola

Athugasemdir

[Egill Jón Kristjánsson (IP-tala skráð) 24.1.2010 kl. 13:33]

Þetta hefur ekkert með coke að gera.Til að halda sér á lífi drekkur maðurinn hvað sem er. Mengað vatn, skólp og jafnvel coke. Fyrir meira en áratug setti ég coke á bannlista og hef ekki drukkið einn dropa síðan. En af hverju? Coke reynir að troða þessum óþvera oní smábörn, börn, unglinga, miðaldrafólk og aldraða. Til þessa ´notar fyrirtækið öll þau óþverrabrögð sem til eru. Það tók þó steininn úr þegar ég sá hvernig þeir þurrkuðu upp brunnanna frá fátækum bændum á Indlandi með stóru dælunum sínum. Svo illa geta fyrirtæki hagað sér í gróðrarfíkn sinn að almenningur á að segja stopp. Hugsaðu aðeins áður en þú ferða að blessa þennan óþvera Sigurður. 

[CrazyGuy (IP-tala skráð) 24.1.2010 kl. 14:16]

Coke Cola saves Lifes. True Story.

[Sigurður Hreiðar, 24.1.2010 kl. 16:35]

Örugglega satt sem Egill Jón segir, að hægt sé að lifa án Coca Cola. Og hefur margur maðurinn gert. En ég tek ekki undir að þetta sé óþverri. Nota þennan drykk  t.d. ef ég fæ slæmt í maga því merkilegt en satt, það róar magann og lætur manni líða betur. Og því segi ég blessað kókið, Egill minn Jón, svo lengi sem það er ekki mengað -- þ.e.a.s. Light eða Zero.

[Hrólfur Þ Hraundal, 24.1.2010 kl. 17:32]

Já Sigurður, kók er náttúrulega bara vatn með góðu nammi útí.  En þar er ég þér sammála að mun betra er að drekka ómeingað vatn en sullið Ligt eða zero.  Það er einhver gamaldags karakter í kók í meyarlöguðu gleri. Horfðu á það Egill og fáðu þér bara kók í gleri.

[Geiri (IP-tala skráð) 24.1.2010 kl. 18:44]

Í rauninni er Coke betra heldur en vatn í aðstæðum sem þessum enda er sykur/orka/kolvetni í því. Þannig að þú ert að fá vökvann plús allt þetta.

[SeeingRed, 24.1.2010 kl. 22:20]

Er einmitt að sturta í mig hálfslítra dollu af drykknum ágæta. Um leið og viðbjóði á borð við Aspartam og aðra gervisætu er komið óbragð af...svona fyrir utan að vera helvítis eitur, taugaeitur sem uppgvötaðist fyrir tilviljun að væri svona gífurlega sætt og þurfti bellibrögð til að fá að setja saman við mat og drykki, nú er orðið erfitt að forðast eitrið, komið í yfir 10.000 vörutegundir.

[SeeingRed, 24.1.2010 kl. 22:21]

" Um leið og viðbjóði á borð við Aspartam og aðra gervisætu er BÆTT Í ER komið óbragð af..." vildi ég sagt hafa!